Assam Chief Minister Himanta Biswa Sarma chuan Thawhtanni khan Prime Minister Narendra Modi on hmuin an state kaihhnawih thil hrang hrang an sawi dun.
An inkawmnaah hian Sarma chuan prime minister hnenah hian Assam-a hmasawnna ruhrel dinna tura a puihnaah lawm thu hrilhin ruihhlo dona kawngah beihpui an thlak dante a hrilh bawk.
“Vawiin khan PM Pu Narendra Modi nen inhmuin a kaihhruaina hnuaiah kan sorkarin hna kan thawhna leh Assam hmasawnna tura kan tihte ka hrilh a. Bodo lam remna leh muanna leh ruihhlo tawlhrukna kan beihna te, sorkar laipui scheme kan kalpui dante pawh ka hrilh,” tiin Twitter-ah a tar lang.
Chief minister ho hian Assam-a BJP MP-te chuan Minister for Development of North Eastern Region (DoNER) G Kishan Reddy an kawm bawk.
Reddy-a pisa pawhin Assam chief minister leh MP-ten an kawm thu leh thil hrang hrang an sawiho thu hi Twitter-ah a tar lang.