Mizoram hmun hrang hrangah LPG subsidy lut lo avanga harsatna tawk an awm chungchang chu FCS&CA department chuan ziakin a thlen tawh.
Nimina thuchhuah an siamah LPG subsidy chungchang hi IOCL emaw, LPG Distributor-te emaw thuneihna ni lovin India ram puma LPG subsidy buaipuitu tura Ministry of Petroleum & Natural Gas hnuaia thlan, National Payment Corporation of India (NPCI) an nih thu an tar lang a, Mizoram mipui tam takin subsidy lut lo an tawh mek chungchang hi department chuan ziakin a thlen tawh tih an sawi.
FCS&CA department chuan mipuite pawhin subsidy tha taka kan hmuh theihnan kan phone no., LPG connection leh kan Aadhaar No. te bank account te nen a inthunzawm tha tur a ni tih tar langin, a inzawm loh chuan subsidy hi a lut thei lo tih an sawi bawk.
Department chuan harsatna awmte chin fel nan theihtawp a chhuah zel dawn an ti.