Aizawl : National bank for agriculture & rural development (NABARD) regional office, Aizawlin nimin khan National handloom day lawmin, Vanapa hall Aizawlah Handloom exhibition an buatsaih a, exhibition hi Mizoram state Assembly Speaker Lalrinliana Sailo-in a hawng.
National Handloom day hi India ram pumah kum 1905-a Swadesh movement (mahni ram dehchhuah ngei chawisanna movement) hriatrengna pakhat atana kum 2015 atanga hman tan a ni a. Nimina tan Aizawla Exhibition hian tun thla ni 12 thleng a awh ang.