Aizawl: India hockey player chhuanvawr, Lalremsiami, Commonwealth Games-a bronze medal latu chu naktuk hian Mizoramah a lo haw dawn a. Sorkar huaihawtin ropui taka lo hmuah tum a ni.
Lalremsiami hi Lengpui Airport-a lo hmuah dan tur leh a chenna, Kolasib thlenga thlah dah tur chungchang ngaihtuahin Inrinni khan T.C.Pachhunga, Vice Chairman, Sports, Youth Affairs, ICT &Tourism Development Board hoin sorkar department pawimawhte leh sports association hrang hrang hruaitute an thukhawm a ni.
Sports &Youth Affairs Conference Centre, MINECO-a thutkhawmah hian Lelremsiami hian Lengpui Airport atanga an chenna khua, Kolasib pan nghal tur a nih avangin chhun dar 12:30-ah NGO te, sports association hrang hrangte leh press mite nen ropui taka hmuah nise an tih bakah, mi mal leh pawl anga lawmpuina thilpek pe duhte tan pawh pekna hun remchang siam an rel bawk a ni.