Bayern Munich in Bundesliga match hnih atang a vawi hnih nan hnehna an chang a. VfL Wolfsburg 2-0 a hnehin an lallukhum humhim tumin bul an tan tha.
Allianz Arena-ah Bayern Munich tlarhma a inkawp Sadio Mane, Jamal Musiala leh Thomas Muller te first half-ah an hlauhawm thei hle a. Musiala leh Muller ten minute 33-na leh 43-naah goal an khung a. Mane-a goal khung vawi hnih pawmsak a ni lo bawk.
Muller chuan inkhel zawhah, “Kan inkhel hnuhnung pahnih ang hluai a ni lem lova, mahse kan kheltha. A tir minute 10 chhung kha chet kan harsat deuh a, ball min vawrh kan kha an tum nasa. Goal hnih khat vel khung belh thei kan ni a, mahse a lungawithlak tho.” a ti.