Hmeichhiate tan
Kum 2014-a prime minister a nih tana Independence Day-a thu a sawi hmasak berah khan Modi-a hian India-a pawngsualna thleng a dem thu leh nu leh paten an fanute laka an fapate tih ang tih ve an phalsak lo thin tha lo a tih thu a lo sawi tawh.
Thawhtanniaah pawh hmeichhia leh mipa intluktlanna sawi lehin in chhungah pawh angkhata enkawl a tul thu a sawi.
“Red Fort-a sawi atan chuan a ho mai thei a; mahse, ka rilrua hrehawmna awm hi ka ram mipuite hnenah lo khawiah nge kha sawi ang?” a ti.
“A chang chuan chhan hrang hrang avangin hmeichhiate endawng an ni a, hei hi titawp turin kan intiam thei em?” a ti.
Zalenna sualtu zinga hmeichhiate pawh zahna hlanin Modi-a chuan hmeichhiate hian tuna India-in a dinhmun a thlen theih nan an thawhhlawk hle tih a sawi.
Judiciary, sorkar hna, zirna sang, science leh sports-ah hmeichhia an telna fakin prime minister chuan hmeichhiate chu India thanna hnar pawimawh a ni tih a sawi a, “Kan hmeichhiate chakna thlawp hi kan mamawh a ni,” a ti.
“Zalenna sualtuten hmathlir an neihte hi kum 25 lo awm leh tura tihhlawhtlin tum a ni a, hetah hian hmeichhiate an pawimawh dawn a. Hmeichhia kan chawisana an theihna kan hman phawt chuan rang leh awlsam takin kan tihlawhtling thei ang,” a ti.
“Kan fanute hnenah remchang tam zawk kan pek phawt chuan India hian hma a sawn chak sawt ang,” a ti.
Modi-a chuan hmeichhia leh mipa intluktlanna a sawi lai mek hian kum 75 lai mahni kea ding tawh India hi mipa rorelna ram a ni reng.
Modi-a thil sawi pawh hi social media-ah sawi zui a hlawh hle a. Amah leh an party ngei pawh mipa lalna a nih thu sawi hlawmin, ka maia sawi lovin a taka tihpuitlin a ngaih thu an sawi hlawm.5G a hnai
India-in 5G mobile service a nei thei tep tih puan a ni a, ram chhunga thalai leh mobile phone hmangtu mi tluklehdingawn 1.2-te a tiphur hle.
India-ah hian internet hmang mi maktaduai 500 vel an awm a, digital market thang chak ber niin an pung mek zel a; mahse, khawpui lian leh thingtlang lama connection that dan a inang lo hle a, thingtlangah chuan a la chhe hle.
India hian tun hnaiah 5G airwave chu lilamin $ tluklehdingawn 19 velin a hralh a, high-speed mobile service hi reilo te hnuah chuan hman theih beisei a ni.
Thawhtannia thu a sawinaah Modi chuan digital service chuan khaw tin a thleng tih sawiin, thingtlangah pawh digital entrepreneur 4,00,000 zet training pek an ni tawh tih a sawi.
“India-ah thingtlangah 5G, semiconductor siam leh Optical Fibre Cable (OFC) hmangin zirna, hriselna leh lo neihna lamte chu a bulthum atanga insiam tharna a thleng dawn,” a ti.
“Digital India Movement hian India-ah danglamna nasa tak thlenin mi pangngai nun pawh a her danglamsak ang,” a ti.Ei rukna
Politics-a amah eptuten an beihna langsar tak pawh Modi chuan sawiin ramin chona a hmachhanw lian ber pahnih chu ‘ei rukna leh induhsakna’ a nih thu a sawi.
“Ei rukna hian kan ram hi a tikawrawng a, kan bei mek a. Kan ram rawktute chu kan do va, rawk let kan tum a. Thutlukna siam hunah kan ding mek a, a lian emaw, a te emaw, tumah kan dim lo vang,” a ti.
Modi-a chuan mi thenkhatin in an la neih loh laiin thenkhat thung chuan an hausakna dah that sen loh an nei tih a sawi a. Engvangin nge mipuiten heng politician ei tute hi lung ina tantir duhna an neih loh tih a zawt bawk.
“Hetiang rilru kan put hi a tawp a tul,” a ti a. “Mipuiin ei ru leh ei ruk hmangte chu huain khawtlangah pawh kan en hniam a ngai,” a ti.
Ei rukna chungchang ang bawk hian Modi-a hian duhsak bik neihna chu a duh loh thu a sawi a, “India khua leh tuite hian inthlahchhawnga kal leh politics-a inthlahchhawnna hi a do a ni,” a ti.
Kum 1947-a zalenna a neih atanga hun tam tak hi India-ah hian Congress party-in rorelin Nehru-Gandhi dynasty an ni a. State tam tak pawh politics-a chhungkaw inthlahchhawng zelin ro an la rel reng bawk.
Modi-a hian tun hma pawhin a chawr chhuahna a lo sawi fo tawh a, inthlahchhawng ang chi hi tha a tih loh thu a lo sawi tawh a, Thawhtannia a sawi pawh a danglam chuang lo a ni.Induhsakna
Tun tuma Modi-a’n induhsakna a sawiah hian hun danga a sawi aiin a sawi thui deuh va, induhsakna chu politics-ah chauh lo pawh a tam thu a sawi a, a duh lo tih a sawi.
“Inhlanchhawna thiltih hian a thei leh thiamte a theihna a tibo va, politics piah lam thlengin a ni bawk si. Hmun dang dang, sports thlengin induhsakna a awm a, hei hi siam thaa harh a ngai,” a ti.
Modi-a hian tun hnaia Birmingham-a Commonwealth Games leh Tokyo Olympics leh Paralympics-a India infiammite chet thatna pawh sawiin, infiammi tel turte chu langtlang taka thlan a that thu a sawi a ni.
“Tun hmain talent neite kan thlang ngai lo va; mahse, langtlang takin induhsaka inteltirna ang kha hnawlin Indian-ten medal an hlawhchhuak thei ta,” a ti a ni.
Modi-a hian sorkarin infiammite tan sum a seng nasa a, hlawhtlinna chan erawh a la sang tawk lo tih a sawi a. Birmingham-ah khan India-in medal 61 lain Delhi-a 2010 Commonwealth Games-ah 101 a la thung.