Aizawl : Mamit Dist level standing committee-in voter tamna polling station atanga polling station thar siam an rawt a. W. Phaileng Dinthar Veng-III; Kawnmawi, Chhippui; Silsury-III; Hreichuk; Lungphun leh Lengpui-IV polling station siam thar an rawt.
Kawrthah polling station leh Marpara N-II polling station siam belh tura rawtna lut erawh voter an la tam tawk loh avangin committe hian a hnawl a. Serhmun polling station chu Dampa Tiger Reserved Area an nih avanga a khuaa cheng mi tam zawkte sawn chhuah an ni tawh avangin Serhmun polling station thiah chungchang chu thuneitu sang zawkah thlen an rawt bawk.