BTS atchilhtute huatna leh ngei em emna hi khawi hmunah pawh a awm ve reng a. Nimin zing lama ramchunga video pakhat darh hukah education app Pysics Wallah-a hmeichhe zirlai pakhat, an zirtirtuin tawngkam na tak hmanga a beihna chuan sawi leh sel a hlawh hle.
Virtual class an neihah hian professor Siddhartha (MSM) Misra a puak chhuak a, a zirlai hmeichhe pakhat chu ‘Mipa ni se la chuan a kawr nghawngah a tham anga, na takin a beng ang’ a ti.
Chu zawng chu a ni lova, online class neih laia BTS chungchang sawi ritu ni bawk hi ei lo chhunzawmin, mipa ve si lipstick nena inlan a, stage-a makeup uchuak tak nena zai a lo atchilh ve chiam chungchangah a diriam zui bawk.
He thil thleng hi a bik takin India ram chhunga BTS fan ARMY te rilru tina tu leh an thinrimna chochhuaktu ni zuiin, Korean media thenkhatah te pawh phochhuah a ni bawk nen, an sa hle.
Fan te chuan he professor hi na taka demin, heti ang lo deuha a zirlai zilh emaw sawipui se, a that zawk thu an auchhuahpui.
Sawi leh selna a tam tak em vangin professor hian ngaihdam a dil hnuhnawh leh a, a zirlaipui a zilh danah a kuang lo a nawr, tih a pha lo.
Instagram kaltlanga ngaihdam a dilnaah hian BTS te chu a fak zui hram a, tun dinhmun an thlen theih nana na taimakna leh thawhrimna chu hriatpui tlak a ni, an chhuanawm hle, a ti.
Amaherawhchu, ngaihdam a dilna thupha a chawi danah mi tam tak an lungawi lova, nawrna leh nekna nasa tak tawnbuak hnu chauha phur lo fahrana ngaihdam dila puhin, an thinlung leh rilru tak tak atanga chhuak a ni lo, an ti a ni.
BTS hi India ram leh a chhehvelah te pawh sawi hlawh leh chai hlawh an ni a, tuai emaw pa tawk lova ngai a, an mahni ngaisang leh atchilhtute thlenga beihna a thleng tawh thin.
Bangladesh-ah phei chuan BTS fan hmeichhiate tan khua a var hlei thei lova, BTS duh lo leh hawtute beih leh zilhhauna an tawk nasa bik hle.