AH&Vety Minister Dr K. Beichhia-a’n Mizorama district thar pathum – Khaw- zawl, Saitual leh Hnahthial-ah te District Veterinary Hospital din tuma hmalak mek a nih thu a sawi.
Siaha-a Independence Day a hmanpuinaah he thu hi AH& Vety Minister Dr K Beichhua chuan a sawi a. District Veterinary Hospital pasarih sak zawh tawh a nih thu a sawi rualin, district thar pathumah te pawh sa tura hmalak a nih thu a sawi a ni.
Vawk pul hri leng mek African Swine Fever (ASF) vanga Vawk suatsakte zangnadawmna tur Assistance to states for control of animal diseases (ASCAD) atanga Rs. nuai 584.97 hmuh a nih thu pawh AH&Vety Minister chuan a sawi a, hei hi state sorkarin a zatvein a lo dolet ve dawn tih a sawi.
AH&Vety Minister chuan zangnadawmna chu ASF vanga Vawk suatsak mi 2488 te hnenah direct benefit transfer hmanga tanpuina sum chu pek tur a nih thu a sawi a. Zangnadawmna sem chhuah tur zawng zawng Rs nuai 1,169.94 a nih thu a sawi bawk.
Social Welfare & Tribal Affairs Deptt. enkawltu Minister ni bawk Dr K Beichhua chuan Ministry of Tribal Affairs atanga sum hmuh Rs. nuai 2,028.50 hmangin Kelsih-ah Tribal Research Institute pawh sak mek a nih thu leh zawh fel tep a nih tawh thu a sawi a. Kelsih-ah vek Freedom fighter museum (Ropuiliani Museum) Rs. nuai 1,800 hmanga sak mek a nih thu a sawi bawk a ni.