Aizawl : Darlawng khuaa Health Clinic Centre thar chu nimin khan bialtu MLA, Mizoram assembly Dy. Speaker Er. Lalrinawma’n a hawng.
Er. Lalrinawma chuan zirna, eizawnna leh hriselnate chu a thil ngaihpawimawh ber ber te an nih reng thu sawiin, Darlawng khaw mipui te hriselna kawngah centre thar chuan nasa taka a tanpui a beisei thu a sawi bawk.
Medical officer, Thingsulthliah PHC Dr. Lawrence Lalramenga'n Thingsulthliah PHC hnuaiah Buhkangkawn leh Hmawngkawnah Health Clinic Centre hawn a nih tawh thu leh Darlawng khuaa hawn a ni leh ta chu lawmawm a tih thu a sawi a. "Mipuite kan hriselloh chuan kan thawhchhuah a pung thei lova hmasawnna a awm thei tak tak thin lo" tiin, hriselna chu thil pawimawh hmasa a nih thu a sawi bawk a ni.