Aizawl : Champhai New Market (CHANEM) enkawl kawnga mawhphurtu CHAN- EM Management Authority chu nimin khan an Chairman Champhai Bawrhsap James Lalrinchhana hovin an thukhawm a. Indus to- wer limited-in CHANEM building chunga high power small cell internet tower bun an dilna an hnawl.
CHANEM building-a CCTV vuah tura hmalatu sub-committee chu a tul anga hma la chhunzawm zel turin an ruat a. Venhim hnathawk tura security guard awmsa 2 te pui turin midang 1 lak belh an remti a. CHANEM complex-a high mast dah dilna pawh CHANEM Management Authority-in tul a tih huna siam danglam theih turin an remti bawk.
CHANEM Management Authority hmalaknain CHANEM Complex-ah kum 2021 October atang khan Maxi Cab counter dah a ni a, CHANEM building-a dawr luahtute pawhin November ni 2, 2021 khan CHANEM Dawrkai Association an din.
Private firm, company leh pawl dangte bakah sorkar department hrang hrang - UD&PA Deptt., I&PR, Health department medical store, FCS& CA Deptt, KVI, Fast track special court, Holiday court leh Transport department-te chu CHANEM building-ah hian an awm mek a ni.