Thubuai in a tuam chhunzawm zel vangin Bollywood actress Jacqueline Fernandes chuan a film thar ‘Ram Setu’ leh ‘Cirkus’ chu a chetchhiatpui hlauhthawnna a tam ta hle.
Cheng vaibelchhe 215 Extortion thubuaiah bum hmang Sukesh Chandrasekhar nen inthurual nia lang ngaih chu Enforcement Directorate (ED) lamin an chhui zel a, central agency hian Sukesh hi extortionist tih hrereng chungin a thawhpui ah an ngai.
ED hian nikum chhung khan Jacqueline hi thu zawhfiah atan an ko zing malh malh hle a. April 2020 pawh khan ED hian cheng vaibelchhe 7.26 fund thubuaiah Jacqueline hi Prevention of Money Laundering Act (PMLA) hnuaiah an lo hling tawh.
Heti hi a nih chho zel vangin thubuai hlabuai chin fel tur a nei chhunzawm dawn tihna a ni a, hei hian a film thar pahnih, ‘Ram Setu’ leh ‘Cirkus’ te’n thubuai nghawng an tawrh rinna a tam phah.