Jharkhand-a Dhanbad Divisional Jail-a tang mek mi 17 chuan coronavirus an kai tih hmuh chhuah a nih thu lung in thuneituten an sawi.
Sub Divisional Magistrate (SDM) Dhanbad Raj Maheswaram chuan lung in tang mi 76-te chu Pathianni khan RAT hmangin endikin mi 17-in an lo kai tih an hmuh chhuah thu a sawi.
“Hri an kaite hi dah hran nghal an ni a. An dinhmun vil turin doctor-te dah an ni bawk,” a ti.
Jharkhand-ah hian lung in tang mek mi 935 laiin Covid-19 an kai tih finfiah a ni tawh.
A hmain Birsa Munda Central Jail, Ranchi; Godda District Jail leh Dumka Central Jail-a mi tang eng emaw zat chuan Covid-19 hi an kai tih finfiah a lo ni tawh a ni.