February 1, 2021-a sipaiten mipui rorelna paih thlaa thuneihna an chan hnuah Myanmar civil mi 1,000 chuang thah an ni tawh niin Assistance Association for Political Prisoners (AAPP) chuan an sawi.
AAPP hi he rama venhim hna thawktuten mi an thah zat chhinchhiahtute an ni.
“AAPP-in a chhinchhiah dan chuan pawisawi lo mi 1,001 thah an ni tawh,” tiin AAPP secretary Tate Naing chuan Nilaini khan Reuters news agency a hrilh a. “A zat dik tak chu hei ai hian a tam daih zawk ang,” tiin Tate chuan a ti.
Hemi chungchanga Reuters-in biak a tum Myanmar sipaite chuan engmah an sawi theih loh thu an sawi ve thung.
Sipai hotu liante hian AAPP-in civil mi thi an chhinchhiah, khawvel pawl leh ram tam takin an pawm hi a uchuak niin an lo sawi tawh thin thung.
Mipuiin venhim hna thawktute pawh an that teuh va, AAPP hian a telh ve ngai lo niin an sawi bawk.