Aizawl : Hockey player Lalremsiami’n Hockey hmanga medal a dawn tawh te chu a mimal theihna ni lovin, Mizo mipui tawngtaipuina leh theihtawp an chhuahpui vang a nih thu a sawi.
Kolasib dist MJA-in Kolasib press club-a amah chawimawina hun an buatsaihah he thu hi Lalremsiami chuan a sawi a. Dinhmun sang zawk chang tura bultan chauh a nih thu leh Mizo mipuite tawngtaipuia, theihtawp chhuahpui zel turin a ngen a. Media mite tawiawmna leh thlawpna a hmuh thin avangin lawmthu a sawi bawk.
Kolasib dist. MJA President Andrew VL Auva pawhin Remsiami chu mi tam tak anga awlsam taka beidawng thin ni se atan beidawnna tur a tama a rin thu leh hlawhtling tura a tawrhchhelna leh tumruhna chu midangte tan chona a nih rualin, entawn tlak a tih thu a sawi.