Hla, ‘Te Felicito’ a tihchhuah atanga thla li naah Shakira chu TV series hlui ‘El Chavo del 8’ a robotic dance a ruka lachawnga nasa taka puh niin, thubuai nei thei dinhmunah a ding.
TV series siamtu Actor boral ta Gomez Bolanos nupui chuan Shakira lakah hian thubuai rit tak a bat lut lovang tih a sawi theih lova, 1971 kuma TV series lar ‘Chavo’ a an lam dan leh ‘Te Felicito’ a lam dan hi a inang hle a, boruak sosang thut thei reng.
Media lamah he hla pahnih khaikhinna leh buk tawnna a tam chho viau a, robotic dance move dangdai taka phalna nei lova hmanga nia puhna leh sawi rik awm mek karah Shakira hian ngawih a la chuh rih a, lehlam pawhin thawm lian tak an la nei lo bawk.
Kum 2017 khan Shakira hian a hla, ‘La bicicleta’ chungchangah zaithiam Livam chuan thubuai a lo siamsak tawh na a, a hnu deuh maiah a zuzi zui a ni.