Aizawl: Zoram People’s Movement (ZPM) Treasurer C Laltanpuia chuan kalphung thar, mipui sorkar an din hunah party president leh chief minister nihna chelhkawp an nei dawn lo tih a sawi.
Thawhtannia ZPM party chhung inkhawmah thu sawiin C Laltanpuia hian khawpuiah mar takin an party an kal zel laiin, an harsatna thin thingtlang lamah khawpui aiin ZPM thli a tleh tawh zawk a, chak leh zuala kal turin thingtlang lam atangin a nawrin an nawr tih a sawi.
C Laltanpuia hian, “Kalphung thar, mipui sorkar kan din hunah chuan party president leh chief minister nih kawp kan nei dawn lo a, hei hi a thatna leh a danglamna tur chu, party leh sorkara nihna sang ber chelhkawp kan neih thin avangin sorkar tha dinna turah hei hian harsatna nasa tak a thlen thin a ni,” a ti.