Barcelona tan striker thar Robert Lewandowski chuan a club thar tan goal hnih a khung a. Tun La Liga season tharah a vawikhatna atan an chak a, 4-1 in Real Sociedad an hneh.
Anoeta Stadium a inkhelah Poland striker in kum 34 a tlain champha a lawm zanah minute khatnaah rawlthar left-back Alejandro Balde ball siamsak chu goal-ah a khung a. Hei hi minute nga hnu lekah Alexander Isak chuan David Silva siamsak atangin a sut.
Barcelona in an khingpuite tlarhnung hi thiah harsa ti mahse second half-ah Spanish forward Ansu Fati dahluh a ni a, ani hian ninkhel thlak danglamin Lewandowski leh Pedri te khung tur a siamsak a, goal hnuhnung ber a khung bawk.
Inkhel dangah Atletico Madrid chu an mualah an tlawm a, Villarreal goalkeeper Geronimo Rulli chetthat zanah 2-0 in mikhual team an chak.
Villarreal tan Yeremy Pino leh Gerard Moreno ten goal an khung a, Rulli hian save tha a siam nual zanah goal ngei ngei tur vawi thum a dang.