Award dawng thei tura nominate a nih hnu-a award buaipuitu magazine thubuai siamsaka vautu Kangana Ranaut chungchangah Filmfair-in thil awmdan sawi fiah mah se, Kangana hian khin ngei a tum ruh hle.
Bollywood actress lar hian instagram kaltlangin Filmfare magazine chu corrupt tak leh kalphung numal nei lovah a puh.
Heti ang hi a nih tak nuai vangin Filmfare chuan nomination a siam tawh chu a hnuk kir ve nghal a, a chet dan puitling lo tak chungchangah dan hmang thubuai siamsak let theih reng a nih thu in an chhanglet.
“Ms Ranaut-i’n Filmfare Awards chungchanga puitling lo taka a chetna kal zelah ‘Thalaivii’ movie hmanga Best Actress nomination a nihna chu kan hnuk kir a.
Kan hmingthatna leh duhsakna te dik lo taka a umzuina leh chet lak danah hian Dan hmang veka thubuai siamsak theih reng a nih thu hi kan sawi tel nghal,” an ti.
Kangana Ranaut hi Vidya Balan, Kriti Sanon, Parineeti Chopra, Taapse Pannu leh Kiara Adavani te nena ‘Beng Actress in a Leading Role’ category-ah an awm ho a ni.
Hetih lai hian Kangana hi ngawih a tum lo chiang hle niin a lang a, instagram kaltlang vek hian an laka action lak a tum thu te, Court-a inhmuh ngei a tum dan te a ziak chuai chuai mai a ni.