Greenland-a vur phek tlang lian tak takte chu khal leh thei ngai lo tur khawpin a tui nasa a. Hei hian tuipui chim chin nasa takin a tisang tih zirchiannaah hmuh a ni.
Science lam chanchinbu, Journal-a zirchianna pakhat chuan, “Khawvel hian eng anga nasa pawhin khaw lum lutuk hi tihziaawm tum mah se hmartawpa vurte chu khal leh thei tawh ngai lo turin an tui ral mek,” tiin a tar lang.
Heng vur phek tlang lian tak takte hian Greenland hmun 80% vel a awh a, kum 1,00,000 kal ta atanga vur lo inhnawh muk tawhin a siam a ni.
Mi thiamte chuan Arctic huam chhunga vur tlang 234-te chu kum 34 liam ta atanga 2018 thleng khan an lo zir chiang tawh a. Nipui laia vur tlang tui nasa thin chu kum khat chhunga vur tla chuan a hnawtkhat zo tawh ngai lo tih an hmu a ni.
Vur tlangte hi thangkhat lian vel chu nasa takin an tui tawh a ni.