Congress President Sonia Gandhi chuan Thawhlehni khan India president atana tun hnaia thlan tlin thar, Droupadi Murmu chu Delhi-a Rashtrapati Bhavan-ah a hmu.
Gandhi-i hian President Murmu-i hi Congress party chhungkuaa buaina neuh neuh a awm mek laiin a kawm a ni.
Tun hnaiah Congress hruaitu hlun tak, Anand Sharma chu an party steering committee-a chairman anihna atangin a bâng a, an hmuhsit dan leh an rawn loh fo dan thlirin a nihna atanga bân mai loh chu tih tur dang a nei lo niin a insawi.
Hetih lai hian All India Congress Committee (AICC) hnuaia Himachal Pradesh incharge Rajeev Shukla chuan koh kir tumin hma a la ve bawk a. Sharma nena an inkawm hnuah Shukla hian Delhi panin Gandhi-i a hmu leh dawn a ni.
Tun hnaiah Gandhi-i hian Covid-19 vawi hnih ngawt a kai a, a hmasaah phei chuan he hri kaihhnawihah damdawi in pawh a lut a ni.
President Murmu-i hi July 18-a inthlanah khan BJP kaihhruai tangrualin an candidate niin hnehna a chang a, July 23-ah president atan lak luh a ni.