India khawchhak lama meteorological subdivisions pahnih — Assam-Meghalaya leh Sub-Himalayan West Bengal-Sikkim huam chhungah chuan vawiin pawh hi nasa takin ruah a la sur dawn.
Ruah hi nimin leh vawiina heng sub-division huam chhungah hian nasa takin a sur dawn a, red warning tih chhuah a ni.
India Meteorological Department (IMD)-in a thlir dan chuan Bengal hmar lam leh Sikkim-ah chuan nimin khan ruah tam tak sur turin a ti a. Assam leh Meghalaya-ah chuan vawiin thlenga sur turin a sawi lawk.
Weather Channel chuan Odisha chung zawnah Thawhlehni tuk atang khan ruah sur tur hi a intham tan tih an sawi a. Khawthlang lam hawiin, hmarthlang lam hawi zelin a kal zel tih an saiw bawk.
He ruah intham hian India khawchhak leh hmarchhak lamah Thawhlehni atanga Zirtawpni thlengin ruah leh tek nasa takin a thlen dawn niin an sawi lawk.
North Bengal, Sikkim, Assam leh Meghalaya-ah chuan nimin thleng khan orange alert pek niin a hnu lam, Zirtawpni thleng yellow alert pek a ni bawk.
IMD-in red warning a pek chhuak hi inring hle tura tihna a ni a. Orange alert hi chhiatna thleng thei laka inven ngai leh yellow alert hi ennawn leh tur tihna a ni thung.