Assam state sorkar chuan Brahmaputra luipui kam vela thingpui huana thawkte chu Durga Puja lo thleng turah bonus a pe dawn a, an hlawh pangngai atanga chhuta 20% zel bonus hi an dawng ang.
Brahmaputra luipui kamah hian thingpui huan hi 870 zet awmin thawktu pawh nuai 20 vel zet an awm bawk.
Durga Puja puala hlawh dawng tur hi Assam Company India Limited hnuaia thawkte niin Assam-ah hian thingpui huan 14 an nei a. Hnathawkte hlawh bonus pekna tur hi ruahman fel tawh a ni a, nikum ang bawkin 20% an dawng leh dawn a ni.
State chhunga thingpui huan dangte pawhin hetiang bawk hian puja bonus an dawng dawn bawk.