Aizawl North-II bialtu MLA Dr Vanlalthlana’n a bial chhunga sorkar sikul 12 hnenah Nilaini khan MLA fund atanga a lei computer leh printer a pe.
Dr Vanlalthlana hian a bial chhunga MBSE in kum 2022-a High sikul leh Higer Secondary sikul atanga zirlai ti tha top 10-a tling mi pathum hnenah laptop a hlan bawk.
Dr Vanlalthlana hian a bial chhunga sikul pariat, MLA fund hmanga thawm that ngai tur list chu Aizawl North Development Society (ANDS) kutah hlan bawkin, anni hian senso ngai tur zatte lo siamin a remchan dan anga khawtlang nena hma lak dan an ngaihtuah ang a. Zirtirtu pahnih bakah intodelh/entrepreneurship zirtirtu tur lakna tur sanction pawh ANDS hnenah hian a hlan nghal bawk.
Zirtirtu kalkhawmte pawhin bialtu MLA zirna kawnga thahnemngai leh ngaihsaktu an neih avangin lawmthu an sawi.