Zaithiam te’n hla thuruk leh lakruk thubuai an hmachhawn chho map map zel a, Taylor Swift pawhin a tawng leh ta. Ziaktu lar pakhatin US$Maktaduai 1 chawi turin a khing. A la thutak hle lehnghal!
Teresa La Dart chuan 2010 kuma a tihchuah poetry lehkhabu ‘Lover’ a thu thnekhat chu ‘Lover’ (2019) album-ah khan phalna leh remtihna hmu hmasa lova hmangah a puh.
La Dert hian federal court, Tennessee-ah thubuai thlenin, Taylor hian a lehkhabu-a poems, tales leh images te chu a hmang a ni, a ti.
A sawi zel danin, Taylor-i’n color scheme a hmang leh graphic style a dah dan te chu a kutchhuak te nen inanna leh inzulna thuk tak an nei, a ti bawk.
A hla lar, ‘Shake If Off’ vanga copyright thubuai hmachhawn mek Taylor hian engtin chiahin nge a chhan let dawn hriat a la ni lova, tunhma lamah pawh heti anga puhna leh khinna lo hmachhawn zauh zauh tawh a nih vangin a thawven thlak lem loh dawn tih a chiang reng mai.
Tun thla tir khan Kum nga liam taa thubuai awm tawh ‘Shake It Off’ hla ruk chungchanga puhna chu thar thawh leh niin, Taylor Swift chuan judge hmaah ha hla pumpui hi ama phuah ngei a ni, a ti.
Hla phuah thiam pahnih te chuan 2014 kuma hla hit hi 2001 daih tawha Billboard Hot 100-a No. 81 kai an single, ‘3LW’ a copy ngei tiin, court-ah an zualko kha a ni a.
Taylor Swit hian nimin piah khan court-ah paperwork thehlut in, hla a copy nia an puh hi a hriat ngai loh thu leh vawikhatmah a la ngaihthlak loh thu a thlen a, ‘Shake it Off’ hla pumpui mai hi amah kutchhuak liau liau a nih thu, a sawinawn leh bawk.
“He hla, ‘Shake It Off’ hi keima phuah dik tak a ni a, 2017 kuma Plaintiff tarlan, ‘Plays Gon’ Play’ hi vawikhatmah ka la ngaithla chhin eih lo, he hla hi ka hre ngai lova, 3LW an awm tih phei chu ka hre lo hul hual,” tiin Taylor Swift hian a sawi.