Venezuela khawthlang lam, Mérida state-a lei nasa taka minah mi 15 an thi.
Andes tlangdunga tlangram khaw eng emaw zata an khawlai chu ruah nasa taka a sur hnuah lei min vangin a chiau kawi hneh hle.
Tual chhung miten thlalak an thehdarhah chuan lei tawlh hian car-te pawh a hnawl a, lung lian tak tak tla pawh a awm nual.
Thi tam ber hi Tovar khuaa mite niin Mocotíes lui kuang liam avanga chhiat tawkte an ni.
Chanchinbumi pakhat, Leonardo León chuan Tovar-a cheng pakhatin thla a lakte Twitter-ah tar langin khaw luhka vel chu leiin a hnawh nasa hle.
Video dangah a bul hnaia miten thil thleng an sawina lang telin lui tui chu a thleng thut a, chhang siamna in a lak nghal thu an sawi a lang.
Thuneitute chuan Tovar-a electricity plant chu a chhia a, hei vang hian a mi chengte hian power leh telephone connection an nei thei rih lo.
Tun tum hi Mocotíes lui dunga awmten lei tawlh leh min an tawn vawi khatna a ni lo va. Kum 2005 pawh khan mi 40 chuang thiin mi eng emaw zat chin hriat lohvin an awm bawk.