Chief of Army Staff Gen Manoj Mukund Naravane chuan Nagaland-a muanna tluantling a awm nan leh Indo-Myanmar ramri a him theih nan Indian Army leh Assam Rifles chu puiha a tha thei ang ber pek a tiam.
Gen Naravane chuan Nagaland Governor RN Ravi leh Chief Minister Neiphiu Rio chu nimin khan Kohima-ah a kawm.
Thawhtanni khan Gen Naravane hi ni thum chhung hmarchhak hmun tlawh turin a thleng a. Venhimna lam thilte a en.
Army chief hi Lt Gen Anil Chauhan, GOC-in-chief, Eastern Command, leh Lt Gen RP Kalita, GOC, Spear Corps chuan hmar lam ramri – Assam, Nagaland, Manipur leh Arunachal Pradesh-a sipaite an inrin dante an hrilh a. Naga peace talks kal mek pawh an sawipui.
Gen Naravane hian Nagaland leh Manipur-a army leh Assam Rifles headquarters hrang hrangte pawh a tlawh a. Mi hlanchhawn mai ni lo, amah ngeiin a hmunah thil an kalpui dan a en.
Ramri kilkhawr laia duty-te pawh hmaichhan ngeiah kawmin an harsatna leh an inrin dante a sawipui.