Arsenal winger manto Nicolas Pepe chuan tun season chu loan in French club OGC Nice hnenah a hmang dawn niin a lang a. Ningani zan khan French club-ah hian medical a nei.
Pound maktaduai 72 a Arsenal in French club dang Lille atanga an lei Pepe hian kum khat chhung Nice hi a zawm a, an inremna a zawh hunah erawh Gunners hnenah a kir leh ang a, Nice in lei ngheh theihna an nei lo.
Arsenal manager Mikel Arteta chuan tun season a a team ruahmannaah hmun a chan loh avangin chhuahtir a pawi ti lova. Kum 2019 a Arsenal zawmtu Pepe hian Gunners tan vawi 112 khel tawhin goal 27 a khung tawh a. Chet that chang nei mahse Gunners first team-ah player pawimawh zinga tel turin a dinhmun a siam hleithei thin lo.