Everton midfielder Dele Alli chuan tun season tluan atan Turkish club Besiktas chu loan in a zawm.
Kum 26 mi hian February thla khan Tottenham atangin Everton hi a zawm a, an tan tun season zawh takah khan vawi 11 inkhel hman mahse vawikhat chiah inkhel bul a tan.
England international hian tun season tharah hian substitute bench atangin inkhel vawi hnih a hmachhawn tawh.
“England pawna football ka khelh hmasak ber tur a ni a, helai hmun ka lo thlen a ka thil hmuh leh tawn avangin thil tam tak ka rilruah a awm. Helaiah hian football a lenzia leh an tuipuizia hi hmun tinah ka hmu.” tiin Alli chuan a club thar a zawm hnuah a sawi.
England tana vawi 37 khel tawh Alli hi a hunlaiin player beiseiawm ber zing ami nimahsela kum 2019 hnuah ram tan a la inkhel leh lo.