TV-a bungruaa leh thil faknaa an rammi ni lo, ramdang inlan khapna ram hmasa be ni turin Nigeria a dingchhuak ta.
Nigeria sorkar chuan tualchhung mite theihna leh thiamna phochhuah ngaipaiwmawh hmasa berin kumin October atangin ramdang model te’n TV kaltlanga fakna an lantir a khap bur dawn a ni.
The Times chanchinbu tarlan danin, he khapna hian Nigerian model ni lo leh voiceover artist te thlengin a huam nghal dawn a, ramchhunga an awm zui zel thlengin a remchang dawn lo.
Tunhma zawng khan Nigerian televsion-ah ramdang hmel hmuh tur a tamin, British awphawi ngaihthlak leh hriattur a tam fal hle.
A hmasa berni turin ad agency lian, AMV BBDO chuan tualchhung model te a thehchhuak tan dawn a, hmasa ber ni turin ‘Black Shines Brightest’ tih thupui hmangn beer brand lar Guinness chu local model te hmangin a kalpui tan nghal.
Nigerian advertising industry hlutna hi nikum 2021 khan $Maktaduai 450 lawih a ni a, liam tham viau angin lang mah se, African ram thenkhatte ngaihtuah chuan a la tlem.
Tuna a hmalakna sawihlawh leh ngaihvenhlawh tak atang hian TV fakna chi hrang hrangah sum leh pai a haw tam zawk tura ngaih niin, a lar zui hle rin a ni bawk.