Manchester City striker manto Erling Haaland chuan second half minute 19 chhungin hattrick a siam a. Goal hnih a hniam zawk an nih hnuah Manchester City in Crystal Palace 4-2 in an lehthal.
Etihad Stadium-ah Palace in hnehna an chang mai dawn a ang hman viau a. John Stones own goal leh Joachim Andersen te hmangin goal an khung.
Second half-ah City an insiamtha a. Minute 53-naah Bernardo Silva chuan goal hmahruai khungin minute 62-na, 70-na leh 81-naah Haaland-a’n goal a khung.
Manchester team dang zawk United chuan St.Mary’ Stadium an tlawh a, 1-0 in Southampton an hneh.
Liverpool laka chak zo hlim United in Southampton lakah chak turin an beih fe a ngai a, mahse second half-ah Bruno Fernandes chuan inkhel a goal awmchhun a khung.
United manager Erik ten Hag chuan, “Inkhel thunun zawk turin hma kan la sawn hle thei tih ka hria.” tiin inkhel zawhah a sawi.