Bayern Munich in an tlawm lohna turin huntawp dawnah goal khung an mamawh a, forward Leroy Sane goal hmangin 1-1 in Borussia Monchengladbach nen an inhnehtawk.
Allianz Arena-ah German champion lai in an season bul tan that chhunzawm an tum a, mahse an beisei angin thil a kal lo. Gladbach goalkeeper Yann Sommer chetthat hle zanah goal an khung thei lo. Sommer hian Bundesliga record ni turin save vawi 19 a siam.
Gladbach tan halftime dawnah Marcus Thuram chuan goal a khung a. Bayern tana goal khungtu Sane-a’n hun tha vawi hnih a hloh rualin mi thar Sadio Mane chuan tum hnih goal a khung chu offside avanga pawm a ni lo.