Silai leklamna leh inpawngkahna vanga thihna a thlen fo vangin Ozzy Osbournce chuan US chhuahsanin Britain-ah a kirleh dawn tih a sawi.
Kum 73 mi hi a nupui leh fanau te nen kum 25 chhungzet US-ah inbengbel tawhin an tlangnel viau tawh. Mahse, America ram khawsak phung leh nundan chu a kham.
“Helai hmuna thil thleng hi nuihzattthlak piahlam a ni a, nitin mai inthahna thleng hi ka kham zozai ta. Zirna In-a inpawngkahna thlen vanga thihna thleng mawlh mawlh mai te hi! Vegas concert-ah thisen chhuahna nasa tak thleng te kha…” tiin Ozzy hi a tawngchhuak.
US-a thih a duh lova, milar te an zalhna hmun Forest Lawn, California-a phum a duh hek lo. A pianna leh chawrhchhuahna ni bawk Britain lama letleh mai chu duhthlanna a siam theih a ni ta.