India cricket team in 2022 Asia Cup a an match hmasa berah an elpui hlun ber Pakistan chu over hnuhnung berah an hneh a. Wicket nga a chakin Asia Cup bul an tan.
Dubai International Cricket Stadium a Pathianni zana inkhelah hian India in chak turin over 20 atangin run 148 siam an mamawh a. A tir atanga a tawp thlengin inkhel hmuhnawm takah Hardik Pandya in a tawp a khar that avangin India an chak.
India all-rounder pawimawh hian ball 17 atangun run 33 a siam a. Over 19-naah four runs vawi thum vua in ball 12 atanga run 21 an mamawh chu ball ruk atang run 7 lekah a tlak thlak tir.
India tan chakna chance tha sawt hle mahse over hnuhnung ber tan tirah Ravindra Jadeja vawm out a ni a, Pakistan an phur hman. Nimahsela Pandya hian ball 4-naah 6 runs a vuak avangin India an chak.
India tan Virat Kohli leh Jadeja ten run 35 ve ve an siam ve bawk a. Ball hmangin Bhuvneshwar Kumar chuan wicket a la a. Pandya in wicket pawimawh pathum la bawkin Arshdeep Singh leh Avesh Khan ten wicket hnih leh wicket khat an la.
India hian an group match hnuhnung zawkah naktuk zan dar 7:30 hian Hong Kong an hmachhawn leh ang.