Assam chu India ram puma mahni nihna (gender) thlak, transgender-ten civil service an exam dawna an nihna tihchianna tur (gender category) hnawh khah tura heng mite puala huang dah hrang hmasa ber an ni dawn ta.
Assam Public Service Commission (APSC) hian an form siam tharah nihna tihlanna turah male/female tih chauh awm thin chu ‘transgender’ tih huang an belh tawh dawn tihna a ni.
APSC Chairman Pallab Bhattacharya chuan, “Tunah tak hi chuan transgender tan a hranin category kan la siam lo va; mahse, September thlaa exam kan buatsaih dawn khan hriattirna chu kan lo tichhuak tawh a. Transgender zinga hriat hlawh leh anmahni tana beitu, activist Swati Bidhan Baruah pawh rawn niin an tana category hran hi dah tum tawh a ni,” a ti.
Assam State Transgender Welfare Board-a associate vice-chairperson nihna chelh mektu, Baruah chuan, “Hetiang ruahmanna leh kalpui tumna a awm hi a lawmawm tak zet a. Mahse, an tana kawng awlsamna tur engmah a awm tel chuang lo. Commission hnenah ziakin ka thlen tawh a, heng zingah hian heng mite tana seat hauhsak turin ka ngen a. Hei bakah hian an buala inkaihhruaina bik , standard operating procedure (SOP) siam ka phut a, hei hi mi dangin remchanga an lo laka an hman sual loh nan a ni,” a ti.
Assam-ah hian combined competitive (preliminary) examination (CCE), 2020-ah trangender 42 zetin an exam ve.