Aizawl : State Institute of Rural Development & Panchayati Raj (SIRD&PR), Mizoram leh Mizoram Watershed Development Agency (MzWDA) tangkawp chuan ni 4 awh tur District hrang hranga Watershed Development Team (WDT)-te tan training an buatsaih a, nimin khan neih tan a ni.
Training hawnna hun SIRD&PR Director Lalhmunsanga Hnamte kaihhruai ah hian training hawngtu RD Department director leh MzWDA Chief Executive Officer (CEO) R. Lalthazuala chuan, Watershed Development chu sorkar laipuiin hming hrang hranga alo kalpui tawh thin thu leh tuna WDC-PMKSY 2.0 hi Mizorama RD Block engngemaw zatah Project (Zau) 18-ah kalpui a nih thu a sawi.
He Scheme hian Mizoram chhuang ramngaw te bua zel leh hmun hring lo tlem zelte siam thaa thingtlang mite eizawnna siamsakna atan leh lui tui kang mek humhalha siamthat chu a tum ber a nih thu sawiin, hemi tihlawhtling tur hian WDC-PMKSY 2.0 atana WDT lak tharte chu atak taka thawktu leh a hmuna thawktu an nih avangin an pawimawh hle tiin, hlawkpui ngei tuma uluk leh thahnemngai taka training nei turin a sawm.
Training hawnna hunah hian huangthansanga Pakhuangte, Course Director/ Associate Professor, SIRD&PR chuan training neih dan tur tlangpui leh hriat tur pawimawhte a sawi a, Dr. MS Dawngliani, Course Director/ Associate Professor, SIRD&PR chuan lawmthu sawiin training hawnna hun hi a khar a ni.
He Training-ah hian Mizoram District hrang hrang atangin WDT member mi 33 kalkhawm in, SIRD&PR leh SLNA mithiam ten kalkhawmte zirtirna an pe dawn a ni.