Manchester United chuan tun nipui chhunga an umzui Brazil winger Antony chu Ajax atangin an lakluh tur thu an puang chiang.
Kum 22 mi manah hian Euro maktaduai 95 an seng dawn a, Premier League chanchin a player manto ber palina a ni ang.
Ajax tana match 82 atanga goal 24 khung a assist vawi 22 nei hian kum 2027 thleng contract a ziak anga, kum khat pawhsei theihna a awm dawn. Medical a neihfel bakah international clearance a neih hunah a team thar hi a zawm ang.
United hian tun nipuiah Antony-a teammate defender Lisandro Martinez bakah Real Madrid midfielder Casemiro, Feyenoord full-back Tyrell Malacia leh Danish playmaker Christian Eriksen te an lalut tawh.
Anni bakah hian Slovakia goalkeeper Martin Dubravka chu Newcastle United atangin an lalut fel thuai dawn.
David de Gea thachhangdawl tur Dubravka hi loan in tun season chhung atan an hawh phawt anga, Pound maktaduai 5 in an lei nghet thei ang.