Chelsea chuan Pound maktaduai 70 a Leicester City a khel French defender Wesley Fofana, 21, an lakluh hnuah Barcelona atang Gabon forward Pierre-Emerick Aubameyang, 33, chu lakluh ngei an tum a. Blues hian Everton atangin kum 21 mi English winger Anthony Gordon pawh lakluh an tum. (The Guardian)
Tottenham boss Antonio Conte chuan England striker Harry Kane chu contract thar ziak se a duh a, kum 29 mi hian kum hnih contract a nei tling tawh lo. (Daily Mail)
Spurs hian loan a Leeds United leh Wales winger Daniel James, 24, chu transfer deadline hma a hawh fel theih dan an dap. (Fabrizio Romano)
Tottenham hian Atletico Madrid atangin khel kual thei Belgium midfielder Yannick Carrasco, 28 chu an ngaihven tha leh bawk. (Telegraph)
Aston Villa chuan Brighton boss Graham Potter chu an ngaihven uluk a, an league match hmasa pali atanga vawi thum tlawmpui tu Steven Gerrard thlaktu atan an duh. (Football Insider)
Paris St-Germain chuan Chelsea midfielder N’Golo Kante chu uluk takin an ngaihven reng a, kum 31 mi France international hian Blues hnenah kum khat contract a nei tling tawh lo. (Times)
Ajax chuan Chelsea in Morocco winger Hakim Ziyech, 29, man an beisei san tlat avangin Sevilla leh Argentina winger Lucas Ocampos, 28, bakah Aston Villa a khel Jamaica forward Leon Bailey, 25, te an ngaihven. (Daily Mail)
Southampton in Pound maktaduai 21 a PSV Eindhoven winger Cody Gakpo lei an dilna chu hnawl a ni a, kum 23 mi Netherlands forward hi Manchester United pawhin Antony an lakluh dawn hma a an ngaihven a ni a, PSV hian a manah Pound maktaduai 38 an beisei. (Telegraph)
Juventus chuan Paris St-Germain atangin Argentina midfielder Leandro Paredes, 28, an lalut thei dawn lo a nih chuan Aston Villa atangin Brazil midfielder Douglas Luiz, 24, lakluh an tum dawn. (Sky Sport Italia)