Aizawl: Tuikhuahtlang tlangval, Malsawmdawngzela Ralte-in khawvela lirtheia thlen san theihna berna hmun, Umling La chu Thawhlehni khan bike-in a thleng a, Mizo zinga helai hmuna bike-a thleng thei hmasa ber a ni.
Umling La hi Jammu & Kashmir, Ladakh hmuna awm niin sea level atanga feet 19,024-a sang a ni a. Malsawmdawngzela Ralte hian helai hmun thleng tur hian August 15 khan amahin bike hmangin Aizawl-a chhuahsan a, kilometre 4,830 zeta thui a tlan hnuah Thawhlehni chawhma dar 11:05 khan a thleng a ni.
Malsawmdawngzela Ralte chuan Umling La thleng thei tura tawngtaisaktute leh tanpuitu zawng zawngte chungah lawmthu a sawi.