Zote Honda Mizoram Premier League season 9 chu Ningani atangin khelh tan a ni a. Inkhel hmasa berah Aizawl FC in Chawnpui FC 4-2 in an hneh.
Rajiv Gandhi Stadium a inkhelah Aizawl FC captain hlui David Lalrinmuana’n minute 4-naah freekick Chawnpui FC tan a khung nghal a. Hei hi Lalbiakzuala’n Aizawl FC tan a sut.
MC Malsawmzuala’n Chawnpui tan a khung belh leh hnuah first half-ah Jakob Vanlalhlimpuia leh Jeremy Laldinpuia ten Aizawl FC tan an chhanglet a. Second half-ah David Lalhlansanga’n an goal hnuhnung ber a khung ve leh bawk.
Inkhel hnuhnung zawkah Independence Day Football champion Mizoram Police leh MPL 6 champion Chhinga Veng FC an inkhel a. Goal inpe lovin 0-0 in an inhnehtawk.