He African pachal hian nupui 15 leh fa 107 nei mekin, an vai hian inngeih leh lungrual takin an khawsa a, kum 61 miina a nupui leh fanaute a en kawl thiam danin ngaihven a hlawh.
Kenya thlang lama thingtlang khaw pakhata cheng David Sokayo Kaluhana hian Lal Solomon-a tihdan a zir reuh a ni awm a, nupui 700 leh h hmeii 300 neitu tihdan leh kaldan hi a tawmpui zawng tak a ni.
“Lal Solomon ang mai ka ni,” tia sawiin, nupui dang te pawh neih belh zel a tum nghe nghe. Hmeichhe pakhat tan chauha inhmanral chu a duhdan a ni hauh lova, tunah hian nupui 20 neih thuam tumin a insangmar mek.
Hetizat nupui nei a, inthik buai miah lova a enkawlzui dan hi a mak hle. An intibuai ngai lova, an inngeihtlang.
A nupui pakhat Jessica chuan, “Nupui dang a rawn hruai haw pawhin ka thik reng reng lo. Mipa, mahni mawhphurhna leh tih tur hlen thin a ni a, ngaihtuahna seng hmasa lova thil ti thawt thawt mi a ni lo tlat,” tiin a pasal thlavang a hauh na hle.
An ni pahnih hi 1998 khan an innei.