Premier League champion Manchester City in league hmahruaitu dinhmun chelh lailawk turin hnehna an chang a. Wolverhampton Wanderers 3-0 in an hneh.
Inrinni zanah Man City tan striker Erling Haaland chuan goal a khung chhunzawm a. Player 10 a hun tam zawk khel Wolves lakah chak turin harsatna an nei lo.
City hian league-ah hma hruai lailawk mahse Pathianni tlaia Arsenal an chak avangin London club league-ah an sang ber lehnghal.
Pep Guardiola pawlte hian goal khung turin second 55 chauh an mamawh a. Sawiseltu ngah Jack Grealish chuan goal hmahruai a khung.
Norwegian striker Erling Haaland chuan a zawna match sarih nan goal a khung a. Tun season-ah goal 14 a khung der tawh.
Wolves defender Nathan Collins chuan hlauhawm taka Grealish a tlawh avangin red card a hmu zui a. Second half-ah Phil Foden-a’n inkhel dahtha in City goal thumna a khung.
Hmun danga inkhelah Tottenham tan striker Son Heung-min chuan match 8 chhung goal a khung tawh loh hnuah minute 13 chhungin hattrick a siam a. 6-2 in Leicester City an hneh.
South Korean striker hian substitute bench atanga dah luh a nih hnuah minute 73-na, 84-na leh 86-naah te goal a khung.