A tawng ve chiam lova, ngawi reng chung pawha khawvel hriatlar ni pha Khabena Lame hlawhzat hi inrinsiakna a rei tawh a, a tlangpui hriat theih a ni ta.
Khawvelin hripui a hmachhawn chiah khan factory-a inhlawh Lame hian tih tur a hriat mai loh vangin In lama tawn im laiin tiktok kaltlangin video mak tak tak a tichhuak tan a, kar lovah khawvel hriatlar ni nghalin, tiktok-a followr ngah ber pahnihna hial a ni ta.
Tunhnai khan a manager Alessandro Riggio-a’n influencer lar tak hlawhzat hi a sawi lang zauh a, social media-a a larna leh endorsement hrang hrang atangin $Maktaduai 10 dawn a hlawh thin, a ti.
Milan Fashion show neih zawh tak maiah Hugo Boss-in inlan tura a sawmnaah $450,000 a hlawh nghal pang mai a, TikTok-ah dahluh nghal ani.
Hollywood studio lian tak pakhat pawhin TikTok video an siamtirna ah $750,000 an pe bawk.
Mak tak maiin, larna leh sum pai hian Lame hi a tibuai eih lova, a chawr chhuahna a hriatchian em vangin midang ang lo takin a inphah hniam hle.
Sum leh pai a nei thur thur chho zut zut reng mai hi a ngaihsak lem lova, a manager chuan, “A rethei khawp mai. Bank-a a pawisa neihzat pawh a hre lova, a ngaihsak bawk hek lo,” tiin Independent chanchinbu a hrilh.