India leh China inrina bul lawk, Sikkim-a Nathu-La-a vur tla nasa lutuk avanga khualzin tang, mi 447-te chu nimin khan sipaiten an chhanchhuak.
Defence thupuangtu, Lt. Col. P. Khongsai chuan IANS hnenah Ningania vur tla thut avanga khualzin tangkhang tate chu an chhanchhuak tih a sawi.
Nathu La-Gangtok road-ah hian lirthei 155 hmangin khualzinte hi an tang a, kawng hi vurin a khuh vek a, lirthei tan chet sawn pawh a ngamawm loh bakah khua a vawh em avangin chet pawh a harsa hle.
“Khualzinte hi km 15 vela thui an inzar pharh a, vur tla avang hian che thei lovin an ding thup a. Sipai lirthei hmangin hmun him lamah thiar chhuah an ni a, 17-Mile military camp-a barrack-ah awmtir an ni. An vaiin an mamawh leh riahna tur buatsaihsak niin mi 26 erawh damdawi ina dah ngaiin an awm a, inhliam na leh nunna chân erawh an awm lo,” tiin defence thupuangtu chuan a sawi.