French champion Paris Saint-Germain in point hnih a hma hruai fal turin hnehna an chang a. Pathianni zanah Lyon lakah 1-0 a chakin point thum an hmu.
Groupama Stadium-ah PSG tan Lionel Messi chuan minute nga naah goal a khung a. Tun season-ah league goal vawi li a khung tawh.
PSG hian tunhnaia inelna hrang hranga match 10 an khelh atang vawi 9 hnehna changin draw vawi khat an nei a. Season tira an football hlauhawm khelh ang tunhnaiah khel thei lo leh thin mahse Lyon hneh turin harsatna lian an tawk lo.
Hetihlai hian Lyon hian an match hnuhnung pathumah an khingpuite an hneh lo vek thung.
Messi-a’n first half-a Neymar-a siamsak goal-ah a khung hnuah second half-ah a khung belh teuh a. Argentina international lakah Anthony Lopes-a’n save tha a siam.
PSG boss Christophe Galtier chuan, “Inkhel hautak a ni dawn tih kan hria a, mahse duhthusam in kan khel. Chance tha kan neih kan khung lohte a awm a, mahse Anthony pawh khan save tha tak tak a siam hnem, a khelhthat zan kan tawng.”
“1-0 hi a tawk ngai lova, Lyon pawhin hre rengin an beidawng miah lo. Mahse chak kan phu zawk a ni.” tiin inkhel a thlirlet.
Brazilian forward Neymar chu fakin, “Kan tlarhma tihlauhawmtu chu Neymar a ni a, amah hi kan goal nawr dan tirualkhaitu, a khingbai lai awm tur leh thawhrimna rawn kengtu a ni. A inpekna hian ‘team balance” a siam.” tiin a pawimawhzia a sawi tel.