ACCEPT (Pawm): Khawvelah hian mi famkim kan awm lo tih chu sawi hran pa vak a ngai lo vang. Kan hriatsa vek a ni e. Chuvangin, ngaihzawg, kawppui te tlin lohna hi pawm thiam a, hriatthiam a, ngaihdan hman thiam a pawimawh em em a ni. “Kan hmangaih tak tak a nih chuan, an In-a an vulh Ui thleng pawhin kan hmangaih vek e” an lo tih hi, entawntlak tak a tling.
BELIEF (Ring): Hmangaihna ah hian, in rintawnna hi a pawimawh em em a. In rintawnna tel lo chuan, hmangaihna kawng thuitak a zawh dun theih loh a ni. Kan hmangaih leh kawppui te chu ring lem lova, englaipawha an chunga rinhlelhna mit meng nena kan en thin chuan, kan inkar hmangaihna kawng chu, hlim lohnain kan tan ang a, hlim lohnain a tawp bawk dawn a ni. In rintawn zel theihnan, in zir zel hi a pawimawh.
CARE (Ngaihsakna): Ngaihzawng leh kawpuite kan ngaihsak a ni tih an hriatthiam theihnan, kan ngaihsak zia lantir a tul a. Hmaichhan ngeia inhmuha inngaihsak mai hi a tawk lo. Phone hmanga ngaihsakna lantir thiam hi a pawimawh em em bawk. Phone-in emaw, message -in emaw, ” I hna thawh chu i hah em”?, “Tunlai chu ruah a sur deuh reng sia, nihliap leh kawrlum ken theihnghilh suh aw! I dam lo palh a nge. I dam loh chuan…” han ti ve thin la. Hetianga inngaihsakna hi, kawppui leh ngaihzawngte tan hmanraw tangkai tak ni lem lo mahse, “an thinlai luah lumtu” a ni tih hi hriat tlat a pawimawh.
DEVOTED (Inphal, ngaina, thahnem ngai): Mi tu emaw kan hmangaih tak tak a nih chuan, kan thil neih mai ni lo, kan hun pawh hi a tan chuan kan phal em em mai a ni. Kawppui leh ngaihzawngte tana englaipawha inphal reng hi a tha em em a ni. Englaipawha kan hun pek theih erawh zawng thil harsa tak chu a ni. Mahse, an tul leh mamawh em em huna, inphal tak leh ngaina taka, an thatna tura thahnem kan ngaih pui hian, kan chunga ah rinna an nghat leh zuala, inkar hmangaihna kawng pawh hlim awm takah a chan tir ngei ang.