- Ruata
India ramin a nghahhlelh 2022 Maruti Suzuki Grand Vitara chu tlangzarh a ni ta a, a man tur hi Rs Nuai 10.45 – 19.65 (ex-showroom, Delhi) inkar a ni dawn a ni.
Sawi tawh thin angin he SUV thar hi a siamphungah chuan Toyota Urban Cruiser Hyryder nen thuhmun reng a ni a, heng SUV pahnihte hi company pahnih thawkdun hian a duang a, a khawl leh design leh thil hrang hrangah a inang a, a hming put chauh a danglam a tih theih awm e. Grand Vitara thar hi Rs 11,000 chawiin book theih a nihna a rei leh tawh a, tunah hian lirthei 55,000 chuang book a ni tawh a, lei duh tan pawh thla 5 leh a chanve bawr vel nghah a ngai a ni.
2022 Grand Vitara hi dual-tone rawngin a man to ho Alpha, Zeta+ leh Alpha+ hoah duhthlan tur a awm dawn a, Rs 16,000 in a to belh dawn a ni. He SUV Maruti Suzuki Subscribe kaltlangin a neih theih bawk a, hetah hian all-inclusive monthly subscription Rs. 27,000 chawi tur a ni dawn a ni. Maruti Suzuki hian special introductory package chu strong-hybrid variant hoah an oe a, hei hian extended warranty 5 years/1,00,000 km a nei a. A pângngaiah chuan 2 year/40,000 km a ni a, hei bakah hian genuine Nexa accessory pack worth Rs 67,000 man hu a kengtel dawn bawk a ni.
A khawl
Grand Vitara khawl hi Hyryder a kan lo hmuh tawh te nen a inang a. Pakhat hi 103hp power pechhuak thei 1.5-litre K15C petrol mild-hybrid engine, Maruti Suzuki lirthei hrang hrang pawhin an lo hman tawh, 5-speed manual leh 6-speed torque converter automatic gearbox duhthlan tur awm a. Hyryder ang bawkin AWD system hi a man to ber mild-hybrid manual variant ah duhthlan turin an dah bawk a ni. Maruti chuan a petrol heh zawng hi 21.11kpl (manual variant), 20.58kpl (automatic) leh 19.38kpl (manual AWD variant) a ni dawn tih an tarlang a ni.
A khawl dang leh chu Toyota atanga lak 92hp, 1.5-litre, three-cylinder Atkinson cycle petrol engine niin hei hi electric motor 79hp power leh 141Nm torque pechhuak thei nen thlunzawm a ni a. An pahnih tangrual hian 115hp power an pechhuak ang a, e-CVT gearbox a hmang dawn bawk a ni. He khawl petrol heh zawng chu 27.97kpl a ni dawn a, a heh lo viau dawn a, hei hi a hybrid system sang lehzual vang hi a ni.
A pawn lam landan
2022 Grand Vitara leh Toyota Hyryder hi a hma bawrah an danglam a. Ramdanga Suzuki S-Cross tihchhuah mek nen a design hi a inang viau a ni. Chrome-lined hexagonal grille lian tha tak a nei a, three-point LED daytime running lamp, bumper-mounted main headlamp cluster bakah thildangte kan hmu bawk a ni.
A chhung leh kentel
2022 Grand Vitara hi Hyryder nen a chhunglamah pawh a inang viau a, a colour scheme chauh hi a danglamna awmchhun a ni. Grand Vitara hian kentel hrang hrang panoramic sunroof, 360-degree camera, wireless charger, ambient lighting, connected car tech, ESP, hill-hold assist, tyre pressure monitoring system, six airbag, leh thildangte a kengtel dawn a. A chanchin kimchang hi chu kan lo ziah tawh thin ang kha a ni tlangpui a ni.
A elpui tur
Grand Vitara midsize SUV huanga lirthei dang – Hyundai Creta, Kia Seltos, Volkswagen Taigun, Skoda Kushaq, Nissan Kicks leh a unaupa Toyota Hyryder te a el dawn a ni.