AZL: Serchhip District Hospital thar sakna hmun tura ngaihdan inang lo pawl pahnihten nimin khan Serchhip Bawrhsap Nazuk Kumar hova an thutkhawm hnuah thuchhuah intawm an siam.
Damdawi in thar sakna hmun tura ngaihdan inang lo pahnihte thuchhuah intawma a lan danin Bukpui lama Serchhip District Hospital thar sak duh pawl, NGO Coordination Committee chuan damdawi in thar chu Bukpuia sak an la duh reng a, sorkarin khawiah pawh sa se an pawm thei dawn thung a. A hmun ngaia sak duh pawl Joint Action Committee lam chuan damdawi in thar chu a hmun ngaia sak a nih theihna tura a theih ang anga hmalak zel an tum.
Bawrhsap chuan PGCIL CSR an hmuh chu lapse palh thei reng a nih thu sawiin Serchhip damdawi in thar sakna hmun tur chu thlan fel thuai a tul thu a sawi.