Aizawl: New Delhi-a hmunpui nei, Indian Achievers Forum chuan Joseph Lalngaihawma Ralte hnenah Entrepreneur of the Year 2022 a hlan.
Indian Achievers Forum hian lawmman chi hrang hrang an sem chhuak thin a. Kumin hian India kum 75-na lawmna, Azadi ka Amrit Mahotsav puala siam niin, Mizoram Food Processing Research & Training Centre dina entrepreneurship leh skill development programme hnuaia a hna thawh that avangin Joseph L Ralte hi Entrepreneurship Development lam huang (sector) bik atan lawmman hlan a ni.
New Delhi-ah chawimawina hlanna inkhawm hi buatsaih thin ni mah se, kum 2020-22 inkar hian hripui leng avangin buatsaih a nih loh avangin, a trophy leh certificate dawn hi hmunpui lam atangin an rawn thawn thleng tawh a ni.