Tourism department-in nimin khan Vanapa Hall, Aizawlah Tourism Minister Robert Romawia Royte hovin World Tourism Day an hmang a, tourism award hrang hrang leh Tourism department buatsaih inelna lawmmante an sem a, November 16-18 chhunga Mizoramin International Tourism Mart a thlen tur khuh hawnna hun an hmang nghal.
Tourism minister chuan state dangin an la neih ve loh, responsible tourism policy chu Mizoramin a hmang tan tawh nia sawiin, “Khawvel hriat tur khawpa nasain Mizoram tourism hmasawn zelna tura chak taka hmalak a ni,” a ti a. Mipuite thlawpna leh tanrualna tel lovin tourism chu a kal theih loh avangin sorkar department, mipui thawhhona tha a pawimawh thu a sawi.
College hrang hrangah ‘Yuva Tourism Club’ din a nih thu tourism minister chuan sawiin, zirlai eng emaw zatin tourism lamah tuina nei tharin khualzinte lo dawnsawn dan thlengin an inzirtir tih a sawi a. “Yuva Tourism Club hmang hian Mizoram tourism hmel tihdanglam a la ni dawn,” a ti.
Minister chuan International Tourism Mart neih chhungin November 18-ah khawvela a ruala guitar perh tam ber record siam tum a nih thu sawiin, Mizorma chu Guiness Book of World Records-a ziah luh theih ngei beisei a nih thu a sawi.
Kumin November 14 & 15-a Reiek-a neih tur, Anthurium Festival chhim turin mi zawng zawng a sawm nghal bawk.
Mizoram Travel & Tourism Excellence Award dawngtute
- Best Hotel: 1st – Hotel Regency, Zarkawt; 2nd – Hotel Floria, Dawrpui; 3rd – Aijal Club, Tuikual
- Best Homestay : 1st – ZRS Homestay, Chawnpui; 2nd – Zobawm Homestay, Zotlang; 3rd – Maryland Homestay, Dawrpui Vengthar
- Best Tour Operator : 1st – Flying Christabel, Tuikual; 2nd – CMS Holidays, Sikulpuikawn; 3rd – Zoram Tours, Sikulpuikawn
- Best Travel Agent : 1st – D&L Travels, Chanmari; 2nd – Mango Tours & Travels, Millenium Centre; 3rd – Quality Tours & Travels, Lalbuaia, Shopping Mall
- Best Blogger/Vlogger/YouTuber : 1st – Vanlallawmzuala Varte; 2nd – Mizoram Outlook – Lalzawna Pachuau; 3rd – PC Lalnunzira
- Best Photographer (Nature & Wildlife) : 1st – Zakhuma; 2nd – C. Lalbiakzama, 3rd – Ramthansiama Chawngthu
- Best photographer (tourist destination) : 1st – Zarzoliana Fanai; 2nd – Amit Kumar Bal; 3rd – Johnny Lalhruaitluanga
- Best restaurant : 1st – Chopstyx, Chanmari; 2nd – Groovy Bites, Chanmari; 3rd – HMS Restaurant, Thuampui
- Best Tour Guide : 1st – C. Lalrinhlua; 2nd – Joshua Lalchhunamawia, 3rd – Robert Zotinkhuma
- Best Social Media Handlers : 1st – Mizoram Insta; 2nd – Explore Mizoram; 3rd – TimeToKetchup